Skip to main content

JESUS FEEDS THE 5,000


GIPAKAON NI JESUS ANG 5,000 KA MGA KATAWHAN
Mateo 14:14—21; Marcos 6:30-44; Lucas 9:1—17; Juan 6: 1—15

Usa ka adlaw niana si Jesus ug ang Iyang mga higala haduol sa Dagat sa Galilea. Dihay daghang mga tawo ang milibut sa linaw aron lamang sa pagpakigkita kang Jesus. Gisultihan sila ni Jesus mahitungod sa gugma sa langitnong Amahan. Iyang giayo ang mga masakiton. Sa tibuok adlaw ang mga tawo miuban kang Jesus.
Sa wala madugay miabut ang panahon sa tigpangaon. Ang mga tawo halayo sa ilang mga puloy-anan. Walay ilang makaon. Giingnan ni Jesus ang IYang mga tinun-an, “Asa man kita magpalit ug makaon aron kining mga tawo makakaon?”
Usa sa mga tinun-an miingon: “Walay atong ikapalit sa pagkaon.” Ang laing tinun-an miingon: “Aniay bata dinhi nga nagdala sa iyang pagkaon. Aduna siyay lima ka tinapay ug duha ka isda apan diyutay ra kayo kana alang sa labihang kadaghang mga tawo.” Si Jesus mitubag, “Sultihi ang mga tawo sa pagpanglingkod.” Busa gisultihan sa mga tinun-an ang mga tawo sa pagpanlingkod.
Malipayon nga gihatag sa bata ang iyang pagkaon kang Jesus. Gikuha ni Jesus ang tinapay ug isda ug nagpasalamat sa Iyang langitnong Amahan alang sa pagkaon.
Unya adunay katingalahang butang nga nahitabo. Gihatag ni Jesus ang pagkaon ngadto sa Iyang mga tinun-an. Ila kining gipanghatag ngadto sa mga katawhan. Adunay daghang pagkaon alang sa tanang mga tawo.

Sa pagkahuman na ug pangaon sa mga tawo, aduna pa gayuy nahibilin nga pagkaon. Miingon si Jesus sa Iyang mga tinun-an, “Hipusa ang mga nabilin nga pagkaon aron walay mausik.” Ug ang ilang natigum sa nahibilin nga pagkaon miabut sa napulog duha ka bukag.

Sa pagkakita sa mga tawo sa nabuhat ni Jesus, sila miingon “Sa pagkatinuod, Siya mao ang Manluluwas nga gisaad sa Dios nga ipadala.”

Classroom Activity
Who Remembers the Story? Basahon sa titser ang mga pangutana ug ang tubag sa klase. Kon INSAKTO ang gibasa sa titser, ang mga estudyante MOTINDOG. Ug THUMBS DOWN kon DILI INSAKTO ang gibasa sa titser.

1. Si Jesus ug ang Iyang higala nagkinahanglan ug pahulay busa miadto sila sa:
A. Disneyland.
B. bed.
C. lugar nga wala kay tawo nga namuyo.
D. Jerusalem.

2. Sa dihang si Jesus ug ang Iyang tinun-an naabut sa ilng naabtan :
A. nagpahulay sila tibuok adlaw.
B. daghang mga tawo ang naa didto.
C. sila nangawala.
D. sila nanglakaw.

3. Asa sa mga butang ang gibuhat ni Jesus?
A. Nagtudlo sa mga katawhan mahitungod sa Gingharian sa Dios
B. nag-ayo sa mga masakiton
C. naghimo ug milagro sa pagpakaon sa mga katawhan
D. gisultihan ang katawhan sa pag-panguli aron Siya makapahulay

4. Unsang sayup ang nahimo sa mga tinun-an?
A. wala sila makakuha ug isda
B. sila nangikyas aron makapahulay
C. nagdala sila ug labihang daghang pagkaon
D. wala sila nagsalig kang Jesus nga makapakaon sa daghang mga tawo

5. Unsa ang labing leksyon nga angayan natong hinumduman niining sugilanon?
Ang buhat ni Jesus nagapakita nga Siya gayud Anak sa Dios
Kanunay magdala ug balaon sa matag biyahe.
C. Ang mga tinun-an kanunay nagapakita sa ilang pagtoo sa hustong paagi
D. Si Jesus wala kayo nailhan sa mga katawhan sa Galilea.

MEMORY VERSE
Oh, magpasalamat kamo kang Jehova, kay mayo man Siya.”
~Salmo 107:1

ALAWITON
(Praise God From Whom All Blessings Flow)
Pagdaygon Ka, O Dyos karon Ma-nga binuhat nga tanan
Sa katawhan Mo nga tanan Sa langit, yuta ingon man,
Daygon Ka among Amahan, Dayegon ta ang Amahan,
Daygong Anak, Espiritu. Anak, Espiritu Santo.

ALANG SA MGA GINIKANAN
Gipakita ni Jesus and Iyang gugma ug kaluoy ngadto sa mga 5,000 katawhan pinaagi sa pagpakaon kanila sa lawas ug kalag. Si Jesus usab, ug mas pinaka importante, nagahatag alang sa atong kalag. Siya naga-anhi aron mahimong Manluluwas, sa pag-antus ug pagpakamatay alang kanato isip baylo aron ang atong kasal-anan mapasaylo ug aron makabaton ug kinabuhing walay katapusan. Makasalig kita sa Dios alang sa atong lawasnong panginahanglan, ug usab kinahanglan natong magsalig Kaniya sa atong matag-adlawng espirituhanong panginahanglan. Sa pagtoo, mapakita nato nga kita nahimuot sa Iyang buhat isip atong Manluluwas pinaagi sa pag-ampo kanunay, mangamuyo sa IYang kapasayloan ug dili ‘usikan’ ang Iyang kapasayloan sa pagpakasala batok Kaniya.

PAG_AMPO
Amahan namo nga langitnon, tabangi kami sa paghinumdom ug pagsalig kanunay sa buhat ni Jesu-kristo nga gipakita niya sa pagpakaon sa tanang tawo, lawas ug kalag, labi na sa pagpakamatay Niya sa krus alang kami maluwas. Kining tanan among gipasalamatan tungod sa Imong dakong gugma kanamo ug diha kang Kristo Jesus. Amen.

Comments

Post a Comment

Popular posts from this blog

SI DANIEL DIHA SA LANGUB SA MGA LEON

SI DANIEL DIHA SA LANGUB SA MGA LEON Daniel 6:1-28 Dihay usa ka hari nga ginganlag Dario. Adunay iyang 120 ka mga principe nga mitabang kaniya pagmando sa iyang gingharian. Ibabaw niining mga principe nagbutang siyag tulo ka mga president. Ang usa niining mga president mao si Daniel. Usa ka maayong president si Daniel ug mayo siya mag-alagad. Gimahal siya sa hari tungod niini. Apan nasina ang ubang mga president kang Daniel. Buot nilang makapahawa siya. Busa gihangyo nila ang hari nga magbuhat ug balaod nga kinahanglan walay mag-ampo ngadto sa bisan kinsa nga dios, apan ngadto lang sa hari. Ang bisan kinsa nga dili motuman niini nga sugo ilabay ngadto sa langub sa mga leon. Matag adlaw si Daniel kanunay nga nag-ampo sa Dios. Sa dihang nadunggan niya ang bag-ong gitukod nga balaod, nag-ampo siya sa Dios sama sa iyang gibuhat kanunay. MAkatulo sa usa ka adlaw siya miluhod ug nag-ampo sa dapit sa iyang binuksan nga bintana. NAgtoo siya nga bantayan siya sa Dios. Sa pagkakita sa ...
Post a Comment
Read more

AYAW KABALAKA

ANG WALI SA IBABAW SA BUNGTOD Mateo 6:24-34 Kadaghanan sa mga tawo maguol ug mabalaka. Nagahunahuna sila: “Aduna bay atong igo nga pagkaon? Aduna ba kitay ikabisti?” Usa ka adlaw didto sa bungtod, si Jesus miingon ngadto sa katawhan: “Ayaw kamo pag-ingon, ‘Unsay atong kan-on? O unsay atong imnon? O unsay atong ikabisti?’ ”. Siya miingon: “Tan-awa ang mga langgam. Ginapakaon sila sa inyong langitnong Amahan. Dili ba labaw pa man kamog bili kay kanila?” “Nganong mabalaka man kamo bahin sa bisti?” Si Jesus miingon. “Tan-awa ang mga bulak—giunsa nila pagtubo. Wala sila magbudlay, ni magkalinyas alang sa bisti. Apan bisan pa si Hari Solomon ang labing maayong mamisti, wala gani makabisti maingon sa unsa niining mga bulaka.” “Kon ingon niini nga gibistihan sa Dios ang mga bulak, dili ba kamo labaw pa Niyang pagabistihan?” nangutana si Jesus, “Ang mga bulak dali rang mamatay. Gihigugma kamo sa Dios labaw pa niining mga bulaka.” “Busa, ayaw na kamo pagkabalaka,” miin...
Post a Comment
Read more

JESUS BRINGS THE WIDOW'S SON TO LIFE

JESUS BRINGS A WIDOW’S SON TO LIFE Luke 7:11—17 Jesus went to a town called Nain. His disciples and a big crowd of people came with him. They wanted to know more about Jesus and learn from Him. As they entered the town, a boy who had died was being carried out. The boy’s mother was there, weeping. The boy was her only child, and she was a widow. Lots of people from the town were with her. Everyone was crying and filled with sadness. When Jesus saw the mother, his heart went out to her. He wanted to help her. Jesus said, “Don’t cry.” He went over and touched the coffin. The people carrying it stood still. They were probably wondering what Jesus was going to do. Jesus said, “Young man, I tell you: Get up!” The boy sat up and began talking. Jesus helped him get up and walked back to his mother. His mother was filled with joy! She was so happy that her son was again. All of the people were excited too. They thanked God and were amazed at what happened. The people k...
Post a Comment
Read more