ELIJAH AND THE FALSE PROPHETS

SI ELIAS UG ANG MGA DAUTANG MANALAGNA
1 Mga HAri 17:1; 18:1—46

Walay ulan sa nasud ni Elias sulod na sa tulo ka tuig kay ang dautang hari wala mosugot sa Dios. Gisimba niya si Baal. Busa gisultihan ni Elias ang hari, “Sultihi ang tanan mong mga manalagna sa pag-anha sa Bukid sa Carmel, ug atong tan-awon kinsay tinuod nga Dios.”

Ang dautang hari nga si Ahab misulti sa uyang mga manalagna ug sa mga tawo sa pag-adto sa Bukid sa Carmel. Adunay upat ka gatus ug kalim-an ka mga manalagn sa diosdios nga si Baal, apan si Elias lamang ang nahibilin nga manalagna sa tinuod nga Dios kay gipamatay sa dautang hari ang ubang mga manalagna sa Dios.

Gisultihan ni Elias ang mga manalagna ni Baal, “Magbuhat kitag duha ka alampoanan. MAgbutang kamo ug halad alang sa inyong dios diha sa inyong alampoanan, apan ayaw pagbutang ug kalayo sa ilalum niini. MAgbutang usab akog halad sa akong alampoanan ug dili ako magbutang ug kalayo sa ilalum niini. Unya mag-ampo kita sa atong mga dios, ug ang dios nga magpadala ug kalayo gikan sa langit mao ang matuod nga Dios.”

Ang mga tawo miingon, “Mao kana ang maayong pagsulay.”

Ang mga manalagna sa diosdios nga si Baal maoy miuna. Nag-ampo sila ug nagsinggit sa tibuok buntag ug hapon; apan walay tubag nga ilang nadawat ug walay kalayo nga miabut. Sa hapit na ang kagabhion gitawag ni Elias ang mga tawo nga modulo sila sa iyang alampoanan. Sa wala pa mag-ampo si Elias, gisugo niya ang ubang mga tawo nga bubuan nila ug tubig ang alampoanan , ang kahoy ug ang halad. Unya nag-ampo si Elias sa Dios, “O GInoo,” maoy pag-ampo ni Elias, “Himoa nga mahibaloan niining adlawa nga Ikaw mao ang Dios.”

Dihadiha dayon ang Dios nagpadala ug kalayo gikan sa langit. Gisunog niini ang halad , ang mga bato sa alampoanan, ug ang kahoy.. Gitilapan pa gani ang mga tubig nga diha sa kanal nga milibut sa alampoanan. Sa pagkakita sa mga tawo niini, miluhod sila ug miingon, “Ang Ginoo, Siya mao ang Dios! Ang Ginoo, Siya mao ang Dios!” Unya gisultihan ni Elias ang mga tawo sa pagdakop sa mga dautang manalagna ug patyon sila kay gisultihan nila ang mga tawo sa pag-ampo kang Baal kay sa pag-ampo ngadto sa tinuod nga Dios, ang atong Amahan sa langit.