Juan 14:1—29; Mateo 28:16—20; Mga Buhat 1:3—11
Sa gabii sa wala pa si Jesus mamatay, nakigsulti Siya sa Iyang mga higala samtang nangaon sila sa katapusang panihapon. “Sa dili madugay molakaw ako aron makig-uban sa Akong langitnong Amahan,” miingon Siya.
Sa pagkasunod adlaw si Jesus gilansang sa krus. Sa ikatulo ka adlaw nabanhaw Siya gikan sa lubnganan. Sa daghang higayon mipakita Siya sa mga tinun-an. Sa makausa nakigkita Siya kanila didto sa bukid ug miingon ngadto kanila, “Gikahatag Kanako ang tanang gahum sa langit ug sa yuta … Busa panglakaw kamo ug tudloi ninyo ang tanang kanasuran sa tanan nga Akong gitudlo kaninyo.”
Sulod sa kap-atan ka mga adlaw human sa pagkabanhaw si Jesus nagpabilin dinhi sa kalibutan. Sa ika kap-atan ka adlaw, gidala Niya ang Iyang mga higala ngadto sa usa ka bukid haduol sa Betania. Gisultihan Niya sila nga tudloan ang tanang mga tawo mahitungod Kaniya. Samtang misulti pa Siya ngadto kanila, adunay katingalahang nahitabo. Sa hinayhinay naisa Siya ngadto sa kahitas-an. Sa naisa Siya, nanalangin Siya kanila, hangtud nga wala na Siya nila Makita kay natabonan na mn Siya sa gabon.
Samtang nanagtindog pa sila nga mihangad sa langit, dihay duha ka manolunda nga mipakita nga nagbistig maputi ug nagtindog tupad kanila. Ang duha ka manolunda nangutana, “Nganong nagatindog man kamo dinhi ug nagatutok sa langit? Kining maong Jesus nga gikuha gikan kaninyo ngadto sa langit mobalik ra unya sa paagi nga sama sa inyong nakita sa Iyang pagsaka sa langit.”
Unya nagmalipayon ang mga tinun-an. Nahinumdoman nila ang gisulti ni Jesus nga mobiya Siya kanila apan mobalik ra Siya aron dad-on ang tanan Niyang mga anak ngadto sa langit. Mga malipayon silang namauli, ug wala madugay nagsugod sila pagbuhat sa mga bulohaton nga gitugon ni Jesus nga ilang buhaton.
MEMORY VERSE
“Sa balay sa Akong Amahan adunay daghang mga lawak, ug moadto Ako aron pag-andam ug dapit alang kaninyo.”
~Juan 14:2, 3
ALAWITON
Juan 14:2-3
Misulti si Jesus kanatong tanan, nga moadto Siya sa Iya nga Amahan
Ang saad Niya adunay katumanan, busa Siya lamang ang atong dalangpanan.
Ug kon atua na Ako didto ug makaandam nag dapit alang kaninyo
Mobalik Ako ug kuhaon ko kamo, aron bisan asa Ako, atua usab kamo.
ALANG SA MGA GINIKANAN
Ikaw ug ako gitawag nagdto kang Jesus pinaagi sa Espiritu Santo. Isip magtotuo kang Jesus kita Iyang mga tinun-an. Tanan Niyang mga tinun-an gitawag sa pagsugilon: diha sa atong pamilya, kasilinganan, eskwelahan, trabahoan, pahulayan. Ug ikaw kaha mahimong pastor, magtutudlo o misyonaryo sa pagsangyaw? Nganong magpanagana ikawng mahimong magsasangyaw—Siya nagsaad sa pagpanalangin niadtong naghimo sa Iyang buluhaton, naghatag kanila ug paagi, kusog, giya, ug pagmatarung nga kinahanglan. Ang Iyang Espiritu Santo, diha uban sa pulong nga atong gisangyaw, nakapasiguro ug kalampusan niadtong mga kalag nga nanginahanglan sa ilang bahin diha sa kalampusan ni Kristo-Jesus.
PAG-AMPO
Among Jesus nga langitnon, salamat sa pagpadala sa Imong mga apostoles sa lain-laing dapit sa kalibutan aron among mga ginikanan makat-on sa Imong Pulong aron sa paghatag usab niini kanamo. Tabangi kami sa pagsulti sa uban nga si Jesus usab ilang Manluluwas. Salamat sa pag-adto Mo sa langit aron sa pag-andam ug puloy-anan alang kanamo. Amen
Comments
Post a Comment